Cannoedd yn gorymdeithio yn Llangefni

Rali "i ddathlu amrywiaeth" yn Llangefni

Bu cannoedd o bobl yn gorymdeithio yn Llangefni wrth i ddwy garfan gynnal rali yng nghanol y dref.

Roedd nifer o ffyrdd a meysydd parcio yng nghau wrth i'r heddlu gadw trefn ar y sefyllfa.

Yn gyntaf, bu tua 350 yn cerdded trwy ganol y dref er mwyn "dathlu amrywiaeth."

Roedd baneri Llafur Cymru a Phlaid Cymru yn flaenllaw yn y dorf.

Yn hwyrach bu grŵp arall sy'n galw'u hunain yn 'Infidels of north Wales' yn gorymdeithio. Roedd tua 60 o'u cefnogwyr yno.

Roedd yr Aelod Seneddol Llafur Albert Owen ymhlith y gorymdeithwyr yn "dathlu amrywiaeth."

Roedd 80 o swyddogion Heddlu'r Gogledd yn bresennol ac roedd y protestiadau yn sgwar y dref yn swnllyd ond heddychlon wrth i aelodau o'r ddwy garfan wynebu ei gilydd.

Y gwrthdystwyr yng nghanol y dref