Gwrthdrawiad: Anafiadau difrifol iawn
Image copyright
Google
Mae Heddlu'r Gogledd yn apelio am dystion yn dilyn gwrthdrawiad ar ffordd ger Deiniolen yng Ngwynedd fore Iau, 17 Rhagfyr.
Mae bywyd menyw mewn perygl oherwydd yr anafiadau a gafodd yn y digwyddiad.
Cafodd y gwasanaethau brys eu galw i'r gwrthdrawiad yn agos i Garej Beran ychydig wedi 08:30 fore Iau pan fu car Mazda lliw arian a char Kia du mewn gwrthdrawiad â'i gilydd.
Dywedodd Sarjant Tony Gatley o Heddlu'r Gogledd: "Mae ymchwiliad llawn wedi dechrau ac fe hoffwn ni glywed gan unrhyw un oedd yn yr ardal ar y pryd ac a welodd y gwrthdrawiad neu'r digwyddiadau arweiniodd at hynny.
"Rydym yn cynghori gyrwyr i osgoi'r ardal lle bo modd gan y bydd oedi yn yr ardal am beth amser.
"Gofynnwn i bobl all fod o gymorth ffonio Uned Blismona Ffyrdd yr heddlu ar 101 neu Taclo'r Tacle ar 0800 555111 gan ddyfynnu'r cyfeirnod S192013."
Does dim awgrym hyd yma pryd y bydd y ffordd yn gwbl glir.