BBC Cymru Fyw

Darganfod corff Jordan Miers ym Marina Abertawe

Published

Mae Heddlu De Cymru wedi cadarnhau mai corff Jordan Miers gafodd ei ddarganfod ym Marina Abertawe ddydd Gwener.

Fe aeth y dyn, 21, ar goll ar 20 Rhagfyr a cafodd ei weld ddiwethaf yn cerdded ger yr Afon Tawe yn y ddinas tua 22:30.

Cafodd yr heddlu eu galw i'r marina am 10:18 fore Gwener wedi i gorff gael ei ddarganfod yn y dŵr.

Wedi i Jordan Miers fynd ar goll, bu deifwyr, cŵn a hofrenyddion yn chwilio amdano.

Dywedodd Simon Davies, Prifathro Ysgol Gyfun Bryn Tawe: "Ro'dd yn bleser 'i ga'l e yn yr ysgol, bachgen diymhongar, cwrtais, hynod o weithgar."