BBC Cymru Fyw

Casnewydd 1-2 Blackburn

Owain Llyr
Chwaraeon BBC Cymru

Published
image copyrightRex Features
image captionRhodes yn sgorio'r gôl fuddugol

Er bod Blackburn ddwy adran yn uwch na Chasnewydd mi fydd Yr Alltudion yn hynod o siomedig na lwyddon nhw i sicrhau gêm ail chwarae o leiaf ar ôl gêm llawn digwyddiadau ar Rodney Parade.

Ar ôl i'r Blackburn fynd ar y blaen ar ôl 7 munud diolch i gic o'r smotyn Ben Marshall - fe welodd yr ymosodwr Chris Brown y cerdyn coch am dacl flêr ar Medy Elito felly bu'n rhaid iddyn nhw chwarae y rhan fwyaf o'r gêm efo 10 dyn.

Fe ddaeth Mark Byrne â Chasnewydd yn gyfartal efo chwip o gôl cyn yr egwyl. Ond er eu bod nhw chwaraewr yn brin Blackburn sgoriodd yr unig gôl yn yr ail hanner diolch i beniad Jordan Rhodes o groesiad y Cymro Tom Lawrence.

Ac i rwbio halen yn y briw fe welodd golwr Casnewydd Joe Day y cerdyn coch yn yr eiliadau olaf ar ôl iddo faglu Craig Conway tu allan i'w gwrt cosbi.

Mae'r canlyniad yn golygu bod pob un o glybiau Cymru allan o Gwpan FA Lloegr y tymor yma.