Gwaith adeiladu tai cyngor i ddechrau yn Sir y Fflint

  • Cyhoeddwyd
TaiFfynhonnell y llun, Google
Disgrifiad o’r llun,
Bydd tai ar stryd fawr Cei Connah yn cael eu dymchwel

Bydd gwaith o adeiladu'r tai cyngor newydd cyntaf yn Sir y Fflint ers dros 20 mlynedd yn dechrau fis nesaf.

Mae'r cyngor yn bwriadu adeiladu 200 o dai cyngor a 300 o dai fforddiadwy.

Bydd y cyntaf yn cael eu hadeiladu ar hen safle Ysgol Gynradd Cae'r Nant yng Nghei Connah.

Mae'r cyngor wedi gofyn i arbenigwyr i ddylunio cynigion ar gyfer y safleoedd, a bydd y gwaith yn dechrau fis nesaf wedi i waith dymchwel gael ei gwblhau.