BBC Cymru Fyw

Altrincham 1-1 Wrecsam

Published
image copyrightGetty Images
image captionSimon Heslop
Bu'n rhaid i Wrecsam fodloni ar gêm gyfartal oddi cartref yn Altrincham, hon oedd eu trydedd gêm gyfartal yn olynol yn y Gynghrair Genedlaethol.
Josh Ginnelly, ar fenthyg o Burnley, roddodd Altrincham ar y blaen.
Ond roedd Wrecsam yn gyfartal cyn yr eglwyl, peniad Simon Heslop o groesiad Kayden Jackson.
Fe aeth Robbie Evans, Blaine Hudson a Connor Jennings yn agos i'r ymwelwyr yn yr ail hanner.
Mae Wrecsam yn y 12fed safle, gyda bwlch o bedwar pwynt rhyngddynt a safleoedd y gemau ailgyfle.