Noson Gwobrau'r Selar 2016 yn Aberystwyth

Bydd noson o wobrwyo cerddorion a sêr y llwyfan canu boblogaidd yng Nghymru yn cael ei chynnal yn Aberystwyth nos Sadwrn.

Nod Gwobrau'r Selar yw dathlu llwyddiannau'r bandiau ac artistiaid cerddorol cyfoes sydd wedi bod yn weithgar dros y flwyddyn ddiwethaf.

Eleni am y tro cyntaf bydd rhestrau hir ar gyfer pob categori.

Maen nhw'n gwobrwyo recordiau sydd wedi eu rhyddhau a'u cyhoeddi yn 2015 yn unig.

Yn cyflwyno'r noson bydd y troellwr a'r cynhyrchydd, Dyl Mei, o Benrhyndeudraeth.

Hefyd yn perfformio ar y noson bydd Sŵnami, Band Pres Llareggub, HMS Morris, Terfysg, Aled Rheon a Calgari.

Bydd enillwyr y 12 categori'n cael eu gwobrwyo yn y noson fawr yn Undeb Myfyrwyr Aberystwyth.

Rhestrau fer Gwobrau'r Selar 2016 yn llawn:

Cân Orau: Foxtrot Oscar - Band Pres Llareggub, Trwmgwsg - Sŵnami, Aberystwyth yn y Glaw - Ysgol Sul

Hyrwyddwr Gorau: Maes B, Cymdeithas yr Iaith Gymraeg, Noson 4 a 6

Cyflwynydd Gorau: Huw Stephens, Lisa Gwilym, Dyl Mei

Artist Unigol Gorau: Gwenno, Yws Gwynedd, Welsh Whisperer

Band Newydd Gorau: Terfysg, Cpt Smith, Band Pres Llareggub

Digwyddiad Byw Gorau: Tafwyl, Maes B, Gig Candelas, Sbectol a Mr Phormula - Frân Wen

Offerynnwr Gorau: Gwilym Rhys, Guto Howells, Owain Roberts

Gwaith Celf Gorau: Dulog - Brigyn, Sŵnami - Sŵnami, Mae'r Angerdd Yma'n Troi'n Gas - Breichiau Hir

Band Gorau: Candelas, Band Pres Llareggub, Sŵnami

Record Hir Orau: Tir a Golau - Plu, Sŵnami - Sŵnami, Mwng - Band Pres Llareggub

Record Fer Orau: Nôl ac Ymlaen - Calfari, Dy Anadl Di / Pan Ddaw Yfory - Yws Gwynedd, Bradwr - Band Pres Llareggub

Fideo Cerddoriaeth Gorau: Ble'r Aeth yr Haul - Yr Ods, Sebona Fi - Yws Gwynedd, Pan Ddaw'r Dydd - Saron