Middlesbrough 3-1 Caerdydd

Fe gafodd Caerdydd ergyd i'w gobeithion o gyrraedd safleoedd y gemau ail gyfle yn y Bencampwriaeth wrth iddyn nhw gael eu trechu yn Middlesbrough.

Yr ymwelwyr aeth ar y blaen o ergyd Fabio o'r tu allan i'r cwrt cosbi, ond roedd hi'n gyfartal cyn hanner amser wrth i Matthew Connolly droi'r bêl i'w rwyd ei hun.

Aeth y tîm cartref ar y blaen gyda gôl gan Gaston Ramirez cyn i David Marshall arbed cic gosb Grant Leadbitter i gadw Caerdydd yn y gêm.

Ond llwyddodd David Nugent i selio'r fuddugoliaeth ychydig funudau'n ddiweddarach yn dilyn gwaith da gan Albert Adomah.