Gêm olaf Devils Caerdydd cyn symud i'w cartref newydd

Y 'Big Blue Tent'

Mae tîm hoci iâ Devils Caerdydd yn chwarae ei gêm olaf yn y 'Babell Fawr Las' ddydd Sadwrn.

Roedd y safle i fod yn un dros dro, ond maen nhw wedi bod yn chwarae gemau yno ers 2006 pan gafodd y ganolfan iâ yng nghanol Caerdydd ei dymchwel.

Fis nesaf, mi fyddan nhw'n symud i Ganolfan Iâ Cymru yn y bae.

Y gobaith oedd y byddai Cardiff Devils yn symud i'r ganolfan ym mis Awst ac mae'r oedi wedi costio £300,000 iddyn nhw.

Mi fydd ryw dair mil o bobl yn medru gweld gemau yn y lleoliad newydd. 2,300 o bobl oedd yn gallu gweld y Devils yn y 'Big Blue Tent'.

Bydd y chwaraewyr yn wynebu Coventry Blaze yn ei gêm olaf ac yna Belfast Giants yn y gêm gyntaf yn y ganolfan yn y bae.

Buodd Cymru Fyw yn siarad gyda rheolwr y tîm, Todd Kelman i gael gwybod mwy am y symud.