Cyfyngiadau teithio yng Nghaerdydd
- Cyhoeddwyd
Mae 'na gyfyngiadau teithio yn y brifddinas ddydd Sadwrn wrth i Gymru herio'r Eidal ym Mhencampwriaeth y Chwe Gwlad.
Bydd ffyrdd yng nghanol Caerdydd ar gau o 12:30, wrth i gefnogwyr gyrraedd Stadiwm Principality ar gyfer y gêm am 14:30.
Bydd ffyrdd ar gau tan 17:30.
Mae Trenau Arriva Cymru yn dweud y bydd system giwio newydd mewn grym i deithwyr sy'n dal trenau o orsaf Caerdydd Canolog ar ôl y gêm.
Mae Cyngor Caerdydd wedi annog unrhyw un sy'n gyrru i Gaerdydd i fwcio lle parcio o flaen llaw.
Yn ogystal â chanol y ddinas, bydd gyfyngiadau mewn grym ar gyfer rhannau o Ffordd y Brenin, Heol Ddwyreiniol y Bontfaen, Stryd Tudor, Stryd Plantagenet, Stryd Beauchamp, Heol Saunders, Stryd Custom House a Heol Penarth.
Ni fydd bysiau yn stopio yng nghanol y ddinas, a bydd teithwyr yn cael eu gollwng mewn lleoliadau eraill am y cyfnod.
Bydd safle tacsis Heol Eglwys Fair ar gau rhwng 14:30 a 20:00.