Stoke 2-2 Abertawe

Sgoriodd Gylfi Sigurdsson ac Alberto Paloschi i Abertawe wrth i'r Elyrch ddod yn ôl i gipio pwynt yn erbyn Stoke yn yr Uwch Gynghrair.

Ibrahim Afellay sgoriodd gyntaf i dîm Mark Hughes, gan benio i'r rhwyd i groesiad Marko Arnautovich yn yr hanner cyntaf.

Aeth Stoke ymhellach ar y blaen drwy Bojan Krkic yn gynnar yn yr ail hanner.

Ond daeth Abertawe yn ôl yn gryf wrth i Sigurdsson guro golwr Stoke, Jakob Haugaard, cyn i ergyd Paloschi wyro i mewn i'r rhwyd i sicrhau'r pwynt.

Mae'r canlyniad yn golygu bod Abertawe bellach yn y 15fed safle yn yr Uwch Gynghrair.