BBC Cymru Fyw

Arestio dyn wedi gwrthdrawiad ger Pen-y-bont

Published
Mae gyrrwr 24 oed wedi ei arestio yn dilyn gwrthdrawiad pan gafodd dau ddyn eu hanafu ger Pen-y-bont.
Cafodd gyrrwr Ford Fiesta, 81 oed, anafiadau difrifol yn y gwrthdrawiad ar yr A4064 rhwng Llangeinwyr a Brynmenyn am tua 15:00 ddydd Sadwrn.
Mae'n cael ei drin yn Ysbyty Athrofaol Cymru yng Nghaerdydd.
Roedd rhaid i ddyn arall, 75 oed, gael triniaeth am anafiadau i'w ben.
Cafodd y dyn 24 oed, oedd yn gyrru Vauxhall Astra, ei gludo i Ysbyty Tywysoges Cymru ym Mhen-y-bont.
Mae wedi ei arestio ar amheuaeth o achosi anafiadau difrifol drwy yrru'n beryglus.
Mae'r heddlu yn apelio am wybodaeth.