Dyn wedi disgyn i'w farwolaeth yn Eryri

Mae dyn wedi disgyn i'w farwolaeth wrth gerdded yn Eryri ddydd Sadwrn.

Fe lithrodd y dyn, yn ei 30au ac o Ganolbarth Lloegr, wrth ddringo lawr y Grib Goch tua 11:00, meddai Tîm Achub Mynydd Llanberis.

Roedd yn rhan o grŵp o dri a chafodd y gwasanaethau brys eu galw pan gyrhaeddodd y ddau arall Pen-y-Pas tua 13:00.

Y gred yw eu bod ar y ffordd lawr oherwydd tywydd garw pan ddigwyddodd y ddamwain.