Seremoni i enwi bad achub newydd yr RNLI yng Ngwynedd

Atlantic 85 Image copyright Martin Turtle Photography

Bydd bad achub newydd yr RNLI yn cael ei enwi mewn seremoni yng Ngwynedd ddydd Sadwrn.

Cafodd y cwch Atlantic 85 ei ariannu trwy rodd gan Ann Constance Setten o Sir Amwythig cyn ei marwolaeth.

Bydd yn cael ei enwi ar ol Ms Setten a'i gŵr, Peter mewn seremoni yn RNLI Abersoch gan ei nith, Liz Badman a'i gor-nith, Sarah Flook.

Dywedodd Ms Badman: "Roedd fy modryb yn caru unrhyw beth i'w wneud gyda chychod, y môr a'r Llynges ac roedd ganddi ddiddordeb yn y badau achub o'i gwyliau fel plentyn."