Ciwiau pum milltir ar yr M4 wedi i gerbyd droi drosodd
- Cyhoeddwyd
Mae gyrwyr wedi bod yn sownd mewn ciwiau o bum milltir wedi i gerbyd cario ceffylau droi drosodd ar yr M4 yn Sir Fynwy.
Cafodd y draffordd ei chau i gyfeiriad y dwyrain ger cyffordd 23, gan achosi ciwiau yn ôl at gyffordd 24.
Fe gafodd ddwy lôn eu hailagor am 13:00, a bu'r lôn arall ar gau am ddwy awr ychwanegol.
Dywedodd Gwasanaeth Tân ac Achub De Cymru ei fod yn delio â'r digwyddiad.