BBC Cymru Fyw

Y Seintiau Newydd yn cipio'r trebl

Published
image copyrightGareth hughes
Mae'r Seintiau Newydd wedi efelychu llwyddiant y llynedd drwy gipio'r trebl unwaith eto eleni.
Fe wnaethon nhw guro Airbus 2-0 yn rownd derfynol Cwpan Cymru ddydd Llun ar y Cae Ras yn Wrecsam.
Rhoddodd gôl Ryan Brobbel yn yr hanner cyntaf y Seintiau ar y blaen yn erbyn Airbus oedd yn ymddangos yn rownd derfynol Cwpan Cymru am y tro cyntaf.
Sgoriodd Scott Quigley yr ail yn fuan wedi'r egwyl.
Mae'r fuddugoliaeth hefyd yn golygu bod MBI Llandudno yn cystadlu yng Nghynghrair Europa y tymor nesaf ar ôl gorffen yn drydydd yn Uwch Gynghrair Cymru.
Fis diwethaf cafodd y Sentiau eu coroni yn bencampwyr Uwch Gynghrair Cymru ar ôl iddyn nhw guro'r Bala o 2-0, y pumed gwaith yn olynol i'r clwb gipio'r gynghrair.
Maen nhw eisoes hefyd wedi ennill Cwpan y Gynghrair.