Criced: Caint yn rhoi cweir i Forgannwg

  • 4 Mai 2016
Tom Latham Image copyright Getty Images
Image caption Roedd Tom Latham yn allweddol ym muddugoliaeth Caint

Fe gafodd Morgannwg grasfa gan Caint yn eu gêm ym Mhencampwriaeth y Siroedd yng Nghaergaint ddydd Mercher.

Roedd angen 187 ar y tîm cartref yn eu hail fatiad i ennill y gêm, ac fe lwyddon nhw i gyrraedd y nod heb golli'r un wiced.

Hon oedd yr ail gêm o dair i Forgannwg golli yn y bencampwriaeth. Er hynny mae'r sir yn bumed o naw yn nhabl Adran 2 o'r Bencampwriaeth gan eu bod wedi sicrhau nifer cymharol uchel o bwyntiau bonws.

Batwyr agoriadol Caint - Daniel Bell-Drummond a Tom Latham - wnaeth y difrod mwyaf ar draws y pedwar diwrnod gan sgorio dros 100 rhyngddyn nhw am y wiced agoriadol yn y ddau fatiad.

Pencampwriaeth y Siroedd - Caint v. Morgannwg - Sgôr terfynol:

Morgannwg (batiad cyntaf) - 260

(ail fatiad) - 414

Caint (batiad cyntaf) - 488

(ail fatiad) 190 heb golled

Caint yn fuddugol o 10 wiced.