Medd o Gymru yn 'atal gwenwyn bwyd'?
- Cyhoeddwyd
Mae gwyddonwyr yn gweithio ar fath o 'Fedd Cymreig arbennig', sydd â'r potensial o ddiogelu pobl rhag gwenwyn bwyd.
Mae Ysgol Fferylliaeth Prifysgol Caerdydd yn bwriadu ychwanegu perlysiau naturiol, sy'n gallu ymladd bacteria salmonela - at y ddiod gadarn.
Mae'r diod yn seiliedig ar hen resait o'r 16eg ganrif.
Y nôd yw targedu pobl sy'n bwytau byrbrydau tecawê wedi nosweithiau allan.
"Gallwch weld y byddai hyn yn gwerthu yn dda iawn i fyfyrwyr," meddai'r Athro Les Baillie.
"Efallai y gall hyn eu hamddiffyn rhag anhwylder stymog y bore wedyn." meddai.
Dr James Blaxland, sydd wedi arwain y gwaith, wedi profi mwy na 50 o wahanol blanhigion a darnau a berlysiau yn erbyn ystod eang o facteria, gan gynnwys salmonela.
Mae salmonela yn un o'r germau sy'n sbarduno mwy na 500,000 o achosion yn y DU bob blwyddyn.
