Morgannwg yn colli eto ym Mryste

Cyhoeddwyd
Ffynhonnell y llun, Getty Images
Disgrifiad o’r llun,
Cipiodd Michael Hogan bedair wiced yn ail fatiad Sir Gaerloyw

Collodd Morgannwg eu gêm yn erbyn Sir Gaerloyw ym Mhencampwriaeth y Siroedd ym Mryste.

Dechreuodd y diwrnod olaf yn siomedig i'r bowlwyr wrth i'r tîm cartref lwyddo i gyrraedd cyfanswm o 336 yn eu hail fatiad.

Roedd hynny'n golygu bod angen 269 ar Forgannwg i ennill y gêm, ond ddaethon nhw fyth yn agos at hynny wrth i'r batwyr bael diwrnod ofnadwy.

Er i Mark Wallace a Jacques Rudolph sgorio 87 am y wiced gyntaf, fe wnaeth gweddill y batiad ddymchwel yn llwyr.

Graeme van Buuren (3 am 15) a Jack Taylor (4 am 16) oedd sêr Sir Gaerloyw wrth i Forgannwg gael eu bowlio allan am 143.

Sir Gaerloyw oedd yn fuddugol felly o 125 o rediadau.

Sgôr terfynol:

Sir Gaerloyw (batiad cyntaf) - 262

(ail fatiad) - 336

Morgannwg (batiad cyntaf) - 330

(ail fatiad) - 143

Sir Gaerloyw'n fuddugol o 125 rhediad.