Cyhoeddi enw dyn fu farw mewn gwrthdrawiad yn Rhisga

Mae'r heddlu wedi cyhoeddi enw dyn gafodd ei ladd yn dilyn gwrthdrawiad rhwng tri cherbyd yn sir Caerffili ddydd Llun.

Roedd Alex Chamberlain, 26 oed, o ardal Argoed, yn gyrru Vauxhall Combo a bu farw wedi'r digwyddiad tua 09:05 ar yr A467 ger Rhisga.

Roedd dwy lori Scania hefyd yn rhan o'r gwrthdrawiad.

Mae'r heddlu yn apelio am wybodaeth ac mae swyddogion yn cefnogi'r teulu ar hyn o bryd.