Meddyg yn ddieuog o ddynladdiad
- Cyhoeddwyd
Mae meddyg teulu wedi cael ei dyfarnu yn ddieuog o ddynladdiad bachgen 12 oed, yn dilyn achos yn Llys y Goron Caerdydd.
Fe gyhuddwyd Dr Joanne Rudling o beidio atal marwolaeth bachgen o Frynithel, Blaenau Gwent yn 2012.
Roedd gan Ryan Morse glefyd Addison pan fu farw. Yn ystod yr achos fe gyhuddwyd y meddyg o ddynladdiad drwy esgeulustod difrifol.
Fe wadodd y meddyg iddi fethu a gwneud diagnosis addas, a sicrhau gofal addas ar gyfer cyflwr y bachgen.
Fe ddaeth yr achos i ben ar ôl i'r barnwr ddweud nad oedd gan yr erlyniad achos digon cryf.
Ar 27 Mai cafwyd meddyg teulu arall, Dr Lyndsey Thomas, yn ddieuog o ddynladdiad hefyd.
Bydd Dr Rudling yn wynebu achos llys arall pan fydd yn wynebu cyhuddiad o wyrdroi cwrs cyfiawnder.
Honnir i gofnodion meddygol gael eu newid yn dilyn marwolaeth y bachgen.
