Lloegr 27-13 Cymru
- Cyhoeddwyd
Ben Youngs
Fe wnaeth Cymru gael cweir yn Twickenham yn eu gêm olaf cyn dechrau ar eu taith i Seland Newydd.
Llwyddodd Lloegr i groesi'r llinell bump gwaith gan guro Cymru o 27-13.
Sgoriodd Rob Evans yn gynnar i Gymru ond yna fe groesodd Luther Burrell ac Anthony Watson i sicrhau sgôr o 13-10 i Loegr ar yr egwyl.
Fe wnaeth maswr Cymru Dam Biggar wrthod tri chynnig ar gic cosb - o bosib rhywbeth na fyddai wedi digwydd pe na bai'r gêm yn un 'gyfeillgar'.
Yn yr ail hanner roedd Cymru yn ei chael hi'n anodd ymdopi â chyflymder a chryfder Lloegr.
Fe wnaeth Ben Young ymestyn mantais Lloegr, ac fe wnaeth Jack Clifford a Marland Yarde wneud y gêm yn gwbl ddiogel.
Hon oedd gêm olaf Cymru cyn iddynt gwrdd â'r Crysau Duon yn Seland Newydd ar 11 Mehefin.