Apêl wedi damawin angheuol

Published

Mae Heddlu Gogledd Cymru wedi apelio am dystion, wedi i ddynes farw ar ôl gwrthdrawiad rhwng dau gar yn Sir Ddinbych ddydd Iau.

Cafodd dynes yn ei 40au, oedd yn cerdded ar y pryd, anafiadau drifriol a'i chludo i Ysbyty Glan Clwyd lle bu farw yn ddiweddarach.

Fe ddigwyddodd y gwrthdrawiad rhwng Toyota GT a Volkswagen Polo ar Ffordd Russell yn Y Rhyl tua 16:50.

Mae'r heddlu yn apelio ar unrhyw un a welodd y gwrthdrawiad i gysylltu â nhw, ac maen nhw'n awyddus i glywed gan yrrwr car bach lliw arian.

Dylai unrhyw un sydd ag unrhyw wybodaeth gysylltu â'r heddlu ar 101 gan ddefnyddio'r rhif cyfeirnod U103375.

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol