Gwrthdrawiad: Cerddwr wedi'i hanafu'n ddifrifol

Mae cerddwr wedi cael ei hanafu'n ddifrifol yn dilyn gwrthdrawiad rhwng dau gar yn Sir Ddinbych.

Fe ddigwyddodd y gwrthdrawiad rhwng Toyota GT a Volkswagen Polo ar Ffordd Russell yn Y Rhyl am tua 16:50 ddydd Iau.

Cafodd y ddynes, sydd yn ei 40au, ei chymryd i Ysbyty Glan Clwyd ym Modelwyddan.

Mae Heddlu'r Gogledd yn apelio i unrhyw dystion gysylltu â'r llu.