Dynes wedi marw yn dilyn gwrthdrawiad ar yr M4

The M4 around Port Talbot Image copyright Traffic Wales

Mae Heddlu'r De yn ymchwilio wedi gwrthdrawiad angheuol ar yr M4 tua'r gorllewin ger Port Talbot fore Mawrth.

Digwyddodd y gwrthdrawiad rhwng BMW, Peugeot ac Audi tua 08:20.

Bu farw dynes 27 oed yn y fan a'r lle, a chafodd bachgen dyflwydd oed ei gludo i'r ysbyty.

Cafodd dyn 50 oed ei arestio ac mae'n cael ei gadw yn y ddalfa.

Mae teulu'r wraig a'r crwner wedi eu hysbysu.

Mae heddlu'r de yn apelio ar dystion i'r gwrthrawiad i gysylltu â nhw ar 101 neu'n anhysbys drwy Taclo'r Tacle ar 0800 555111 gan ddefnyddio'r cyfeirnod 130 o 29/11/2016.