300 o swyddogion Heddlu Gwent mewn cyrch cyffuriau

Officers in van Image copyright Heddlu Gwent

Mae Heddlu Gwent wedi cynnal ei ymgyrch gwrth gyffuriau fwyaf erioed yng Nghasnewydd.

Mae tua 300 o swyddogion wedi bod yn rhan o'r ymgyrch fore Mawrth.

Fe gafodd y cyrch ei gynnal ar ôl adroddiadau gan aelodau o'r gymuned am bobl yn delio mewn cyffuriau caled.

Fe wnaeth swyddogion gyflwyno 14 gwarant yng Nghasnewydd am 05:00.

Nid oes modd chwarae darnau sain a fideo ar eich dyfais
Yr Uwch Arolygydd, Matthew Williams yn esbonio pam eu bod wedi trefnu'r cyrch

Mae 20 o bobl wedi cael eu harestio ar amheuaeth o fod yn ymwneud â chyflenwi cyffuriau ac mae ymchwiliad yr heddlu yn parhau.

Dywedodd Marc Budden o Heddlu Gwent: "Hwn yw'r cyrch cyffuriau mwyaf rydym wedi ei weld yng Ngwent.

"Roedd swyddogion yn defnyddio cyfarpar arbennig fel llif gadwyn a driliau er mwyn sicrhau mynediad cyflym i adeiladau."

Image copyright Heddlu Gwent