Car 'heb stopio' ar ôl anafu cerddwr mewn gwrthdrawiad

  • Cyhoeddwyd
StrydFfynhonnell y llun, Google

Mae cerddwr yn yr ysbyty gydag anafiadau difrifol yn dilyn gwrthdrawiad yng nghanol Caerdydd.

Dywedodd Heddlu'r De na wnaeth gyrrwr y car BMW llwyd oedd ynghlwm â'r digwyddiad ar Wood Street stopio yn dilyn y digwyddiad am 11:49.

Cafodd y cerbyd ei ganfod yn ddiweddarach yn ardal Glan yr Afon.

Y gred yw bod y gyrrwr wedi gyrru i ffwrdd o swyddogion heddlu ychydig cyn y gwrthdrawiad fore Mercher.

Mae'r heddlu'n chwilio am ddau berson maen nhw'n credu oedd yn y car ar y pryd.

Dywedodd Heddlu De Cymru y gall unrhyw un sydd â gwybodaeth gysylltu trwy ffonio 101.