Llofruddiaeth Y Rhyl: Cadw dyn yn y ddalfa

Rhyl
Image caption Cafodd yr heddlu eu galw i ddigwyddiad yn Llys Aderyn Du, Rhyl, nos Sadwrn 9 Medi

Mae dyn 21 oed o'r Rhyl sydd wedi'i gyhuddo o lofruddiaeth wedi'i gadw yn y ddalfa yn dilyn ymddangosiad yn Llys y Goron y Wyddgrug fore Mawrth.

Mae Redvers James Bickley wedi ei gyhuddo o lofruddio Tyler Denton, 25 oed, a cheisio llofruddio dyn a dwy ddynes o'r Rhyl.

Fe gafodd yr heddlu eu galw i Llys Aderyn Du yn y Rhyl nos Sadwrn 9 Medi i adroddiadau o drywanu honedig.

Bu'n rhaid i'r tri arall, Paul, Cody a Shannen Denton, gael triniaeth ysbyty yn dilyn y digwyddiad.

Image copyright Llun Teulu
Image caption Bu farw Tyler Denton o'i hanafiadau

Wnaeth Mr Bickley ddim cyflwyno ple ac mae gwrandawiad arall wedi ei drefnu ar gyfer 30 Hydref.

Fe wnaeth y barnwr Rhys Rowlands osod dyddiad answyddogol ar gyfer yr achos ym mis Mawrth 2018.

Mae disgwyl i'r achos bara rhwng pump a saith niwrnod.

Straeon perthnasol