Dynes 21 oed wedi marw mewn gwrthdrawiad yn Sir Benfro

Mae Heddlu Dyfed Powys wedi cadarnhau fod dynes 21 oed bellach wedi marw yn dilyn gwrthdrawiad ffordd yn Sir Benfro yr wythnos diwethaf.

Mae swyddogion yn parhau i ymchwilio i'r gwrthdrawiad rhwng dau gerbyd ar ffordd yr A478 ger Llandysilio am 08:30 ddydd Mawrth, 5 Medi.

Roedd Anwen Heledd Thomas, yn wreiddiol o ardal Hendy-gwyn, yn gyrru car Ford KA pan ddigwyddodd y gwrthdrawiad.

Mae'r heddlu yn parhau i apelio i unrhyw un a welodd y digwyddiad, neu oedd yn teithio ar y ffordd ar y pryd, i gysylltu â nhw drwy ffonio 101.