Teyrnged i David Walker wedi gwrthdrawiad Caerdydd

David Walker

Mae'r heddlu wedi cyhoeddi enw beiciwr modur fu farw yn dilyn gwrthdrawiad yng Nghaerdydd ddydd Mawrth.

Bu farw David Walker, 48 oed, yn dilyn y gwrthdrawiad rhwng beic modur a bws ar Heol Caerffili yn ardal Birchgrove.

Wrth roi teyrnged, dywedodd ei deulu: "Mae'r teulu cyfan yn torri eu calonnau wedi marwolaeth sydyn David, oedd yn ŵr cariadus a chlên ac yn dad i ddwy ferch brydferth."

Cafodd dyn 58 oed ei arestio wedi'r gwrthdrawiad, ac mae'r heddlu wedi apelio am wybodaeth.

Pynciau Cysylltiedig

Straeon perthnasol