Grav yn Efrog Newydd

Mae 'na ddeng mlynedd ers marwolaeth Ray Gravell
Image caption Mae 'na 10 mlynedd ers marwolaeth y cyn-chwaraewr rygbi a'r darlledwr, Ray Gravell

Bydd sioe sy'n dathlu bywyd Ray Gravell yn cael ei llwyfanu yn Efrog Newydd y flwyddyn nesaf.

Cafodd y cyhoeddiad ei wneud ar 31 Hydref, ddeng mlynedd union ers marwolaeth y cyflwynydd a'r cyn-chwaraewr rygbi poblogaidd o Fynyddygarreg.

Theatr y Torch yn Aberdaugleddau wnaeth lwyfannu'r sioe yn wreiddiol gyda Gareth John Bale yn portreadu'r Cymru eiconig.

Cysylltiadau gyda'r dref yn Sir Benfro sy'n rhannol gyfrifol pam y bydd y sioe yn croesi'r Iwerydd.

Image copyright Ceri Coleman Phillips
Image caption Gareth John Bale mewn golygfa deimladwy o'r sioe 'Grav'

Mae perchnogion tafarn Cantre'r Gwaelod (Sunken Hundred) yn Efrog Newydd yn hannu o Aberdaugleddau ac maen nhw wedi cydweithio gyda'r Actors Theatre Workshop yn Manhattan i sicrhau y bydd y sioe yn cael ei llwyfannu yno ar 16 a 17 Mawrth 2018.

Cyn y sioeau bydd 'na chydig o naws rygbi Cymru yn Cantre'r Gwaelod a bydd Gareth John Bale yn darllen rhannau o'r sgript.