Yr enw da uwchben y drws

Arwydd siop 3N Gwallt Image copyright S4C
Image caption 3N Gwallt yn Nhregaron yw un o sêr newydd cyfres Y Salon ar S4C

Mae'n anodd curo'r siop sglodion chwedlonol yn y cymoedd, A Fish Called Rhondda, fel enghraifft o enw gwreiddiol ar fusnes Cymreig ond beth am enwau da yn y Gymraeg?

Wedi ein sbarduno gan enw'r siop drin gwallt yng nghyfres newydd Y Salon, 3N Gwallt, mae Cymru Fyw wedi mynd ati i gasglu enghreifftiau eraill o enwau da sy'n chwarae gyda geiriau.

Dyma rai perlau ond oes gennych chi ragor o enghreifftiau? Anfonwch nhw at cymrufyw@bbc.co.uk


Image copyright Ling Di Long
Image caption Mae enw bwyty Tsieineaidd Ling Di Long yn Llanbed yn dod â Chymru a Tsieina at ei gilydd: "Cafodd yr enw ei awgrymu gan brifathro lleol oherwydd fod ganddo ystyr mewn Tsieinëeg hefyd - 'long' ydi 'draig' a 'lǐng dì' ydy ardal neu diriogaeth felly mae'n golygu rhywbeth fel 'tiriogaeth y ddraig'," meddai'r rheolwr Jojo Chen.
Image copyright Dan 'i Sang
Image caption Ydi hi wastad yn llawn ym mwyty Dan 'I Sang?
Image copyright The Local Data Search
Image caption Mae'r siop sgidiau yma ym Mhenarth yn eich helpu i gerdded o gam i gam ac nid, gobeithio, yn igam ogam.
Image copyright Gwallt Co/Magic Clippers
Image caption Mae siop trin gwallt Off Dy Ben yng Nghaernarfon wedi cau bellach ond mae Gwallt Co yn awgrymu rhywbeth tebyg...
Image copyright Iestyn Hughes
Image caption Mae'r siop yma yn y Bala yn gwerthu ychydig bach o bopeth...
Image copyright Geograph
Image caption Yn anffodus mae siop lliw haul Troi'n Frown yng Nghaernarfon wedi cau bellach

Ac yng nghyfres gyntaf Y Salon fe wnaethon ni gyfarfod â Kirsty Tivers mewn siop arall ag enw Cymraeg da - Clip a Snip.

  • Cyfres newydd Y Salon, S4C, Nosweithiau Gwener, 20:25
Image caption Kirsty Tivers y tu allan i Clip a Snip yng Nghaernarfon