Achub morlo oedd yn sownd rhwng creigiau ger Port Talbot

Morlo Image copyright RSPCA
Image caption Cafodd y morlo ei achub nos Fawrth

Mae ymgais i achub morlo oedd yn sownd rhwng creigiau ar draeth Aberafan ger Port Talbot wedi bod yn llwyddiant.

Roedd yr anifail - sydd wedi cael y llysenw Miracle - wedi bod yn sownd yno ers o leiaf dydd Sul.

Dywedodd RSPCA Cymru bod peiriannau trwm wedi cael eu cludo i'r safle i godi'r creigiau.

Mae'r morlo nawr ar ei ffordd i warchodfa yn Taunton, Gwlad yr Hâf.

Dywedodd Clive Morris o swyddfa'r RNLI ym Mhort Talbot ei bod yn "wyrth ein bod wedi cael y sefyllfa i ddiweddglo hapus, diogel".

Image copyright RSPCA
Image caption Cafodd peiriannau trwm eu cludo i'r safle i godi'r creigiau

Pynciau Cysylltiedig