North a James yn dyweddïo dros y Dolig

Mae dau o sêr byd y campau yng Nghymru wedi cyhoeddi eu dyweddïad.

Cyhoeddodd asgellwr tîm rygbi Cymru George North ei fod wedi gofyn i'r seiclwraig Olympaidd Becky James ei briodi dros y Nadolig.

Ar ei gyfri Instagram, dywedodd North o Ynys Môn bod "fy annwyl ReBecky" wedi dweud "gwnaf".

Dywedodd James o'r Fenni ei bod hi'n teimlo fel y "ferch mwyaf lwcus yn y byd", ac na allai aros i briodi ei "ffrind gorau".

Yn gynharach eleni, cyhoeddodd James, sydd wedi ennill medal arian yn y gemau Olympaidd, ei bod yn ymddeol o seiclo'n broffesiynol.

Bydd North yn dychwelyd i Gymru ar gytundeb deuol ar ôl cyhoeddi ym mis Tachwedd ei fod yn gadael clwb rygbi Northampton.

Pynciau Cysylltiedig