Cynnal gŵyl Penwythnos Mwyaf Radio 1 yn Abertawe

Sheeran a Swift

Mae'r BBC wedi cyhoeddi y bydd un o wyliau cerddorol Radio 1, Y Penwythnos Mwyaf, yn cael ei gynnal yn Abertawe eleni.

Daeth cadarnhad y bydd Ed Sheeran a Taylor Swift yn perfformio yn y digwyddiad ym Mharc Singleton.

Bydd y BBC yn cynnal penwythnos o adloniant gyda gwyliau yn Yr Alban, Lloegr, Gogledd Iwerddon a Chymru ar benwythnos 25-28 Mai.

Fe fydd gwyliau tebyg i'r un yn Abertawe yn cael eu cynnal yn Perth, Coventry a Belfast.

Cafodd y cyhoeddiad ei wneud gan un o gyflwynwyr yr orsaf, Nick Grimshaw, fore Mawrth.

Bydd y digwyddiad yn Abertawe'n cael ei gynnal ar 26 a 27 Mai, gyda 26,000 o docynnau ar gael pob diwrnod.

Dywedodd Radio 1 y bydd rhagor o artistiaid yn cael eu cyhoeddi'n fuan.

Mae gwybodaeth am docynnau i holl ddigwyddiadau'r Penwythnos Mwyaf ar gael yma.

Pynciau Cysylltiedig