Snowsill a Harries yn ôl yn nhîm merched Cymru

sioned harries Image copyright Huw Evans picture agency
Image caption Fe fydd Sioned Harries yn ennill ei 50fed cap dydd Sadwrn

Fe fydd dau o chwaraewyr rygbi Cymru, Elinor Snowsill a Sioned Harries yn mynd yn syth o dwrnament saith-bob-ochr yn Awstralia i chwarae ym Mhencampwriaeth y Chwe Gwlad yn erbyn Lloegr ddydd Sadwrn.

Roedd Snowsill a Harries yng ngharfan Cymru yn nhwrnament Super 7s yn Brisbane.

Maen nhw'n dychwelyd i'r tîm wrth i'r hyfforddwr Rowland Phillips wneud tri newid ar ôl curo'r Alban o 18-17.

Jodie Evans sy'n ildio ei lle i Snowsill, ac mae Natalia John yn camu o'r neilltu yn y blaenwyr.

Rhiannon Parker fydd yn cymryd lle Jade Knight fel mewnwr, ac wrth i Harries ddychwelyd fe fydd Siwan Lillicrap yn symud i'r ail reng yn lle John.

Mae Hannah Jones, oedd hefyd yn Brisbane, yn ôl yn y garfan ar y fainc.

Bydd y gêm yn cael ei chynnal am 12:15 ddydd Sadwrn yn Twickenham Stoop.

Tîm Cymru

Elinor Snowsill; Hannah Bluck, Kerin Lake, Rebecca De Filippo, Jess Kavanagh-Williams; Robyn Wilkins, Rhiannon Parker; Caryl Thomas, Carys Phillips (c), Amy Evans, Siwan Lillicrap, Mel Clay, Alisha Butchers, Beth Lewis, Sioned Harries.

Eilyddion: Kelsey Jones, Gwenllian Pyrs, Cerys Hale, Natalia John, Nia Elen Davies, Jade Knight, Lleucu George, Hannah Jones.

Straeon perthnasol