Medal efydd i Laura Deas yn ras y sled sgerbwd

Laura Deas Image copyright PA

Mae Laura Deas wedi cipio medal efydd yng nghystadleuaeth y sled sgerbwd yng Ngemau Olympaidd y Gaeaf yn PyeongChang, De Corea.

Erbyn diwedd dydd Gwener roedd y ferch 29 oed o bentref Llanfynydd yn Sir y Fflint yn y pedwerydd safle ar gyfanswm amser.

Ond fe lwyddodd i fynd i'r trydydd safle ddydd Sadwrn ar ôl i Janine Flock o Awstria gael rhediad gwael.

Aelod arall o dîm Prydain gipiodd y fedal aur, Lizzy Yarnold, tra bod yr Almaenes Jacqueline Loelling wedi cael y fedal arian.

Pynciau Cysylltiedig

Straeon perthnasol