Dave Edwards yn ymddeol o bêl-droed rhyngwladol

david edwards Image copyright Getty Images
Image caption Fe ddechreuodd Dave Edwards gêm gyntaf Cymru yn Euro 2016 yn erbyn Slofacia

Mae chwaraewr canol cae Cymru, Dave Edwards, wedi ymddeol o bêl-droed rhyngwladol.

Fe wnaeth Edwards, 32, ennill 43 cap i Gymru dros gyfnod o 10 mlynedd, gan sgorio dair gwaith.

Roedd yn aelod o'r garfan gyrhaeddodd rownd gynderfynol Euro 2016, ac fe chwaraeodd dair gwaith yn ystod y gystadleuaeth.

Wrth gyhoeddi ei garfan ddiweddaraf, dywedodd rheolwr Cymru Ryan Giggs: "Hoffwn ddiolch iddo am bopeth mae o wedi'i wneud dros Gymru, mae wedi gwasanaethu'i wlad yn wych."

Mewn datganiad ar wefan Cymdeithas Bêl-droed Cymru, ychwanegodd Edwards: "Mae wedi bod yn fraint cynrychioli fy ngwlad dros y 10 mlynedd diwethaf a dwi'n falch iawn o beth mae'r garfan wedi cyflawni yn y blynyddoedd diwethaf.

"Roedd chwarae dros Gymru yn rowndiau terfynol Euro 2016 heb os yn un o uchafbwyntiau fy ngyrfa ac mae'r haf wnâi fyth anghofio.

"Hoffwn ddymuno'n dda i weddill y garfan ar gyfer y gemau i ddod."

Pynciau Cysylltiedig