Pysgotwr wedi marw ar ôl syrthio i'r môr yn Llandudno

Llandudno Image copyright RNLI
Image caption Cafodd y dyn ei gludo i'r ysbyty mewn hofrennydd ond bu farw

Mae Heddlu'r Gogledd wedi cadarnhau fod dyn wedi marw ar ôl syrthio o greigiau i'r mor yn Llandudno.

Cafodd y pysgotwr ei gludo mewn hofrennydd i'r ysbyty yn gynnar fore Sul ar ôl syrthio tra'n pysgota ar greigiau ar Ben y Gogarth.

Cafodd ail ddyn aeth i mewn i'r dŵr i'w gynorthwyo driniaeth gan barafeddygon am effeithiau i'r oerfel.

Gwylwyr y Glannau a'r RNLI yn Llandudno gafodd yr alwad gyntaf i Ben Trwyn tua 07:36.

Llwyddodd gwirfoddolwyr o'r RNLI i gael y dyn i'r lan er mwyn ei gludo i'r ysbyty, cyn achub yr ail ddyn o'r creigiau.

Image copyright Eric Jones/Geograph
Image caption Cafodd y gwasanaethau brys eu galw i Ben Trwyn yn gynnar fore Sul