'Mwy o sylw' i hanes tywysogion Cymru
Nid oes modd chwarae darnau sain a fideo ar eich dyfais

'Mwy o sylw' i hanes tywysogion Cymru

23 Mai 2018 Diweddarwyd 21:03 BST

Bydd hanes tywysogion cynhenid Cymru yn cael mwy o sylw o hyn ymlaen, yn ôl y gweinidog diwylliant.

Dywedodd yr Arglwydd Dafydd Elis-Thomas bod "hanes gwerth ei ailadrodd" am y tywysogion "a gynhaliodd sofraniaeth y genedl".

Daeth ei sylwadau wedi cyhoeddiad y bydd corff Cadw yn cymryd gofal o adfeilion castell Cymreig Caergwrle ger Wrecsam - y castell cyntaf iddyn nhw ei ychwanegu i'w casgliad mewn 25 mlynedd.

Bydd yr heneb - gafodd ei godi gan Dafydd ap Gruffudd yn y 1270au - yn cael ei redeg mewn partneriaeth â Chyngor Sir y Fflint a Chyngor Cymuned yr Hôb.