Merched Cymru: Naw chwaraewr heb gap yn y garfan

Jayne Ludlow Image copyright PA

Mae Jayne Ludlow wedi enwi naw chwaraewr sydd heb ennill cap rhyngwladol yng ngharfan ddiweddaraf tîm pêl-droed merched Cymru.

Bydd y tîm yn wynebu Portiwgal oddi cartref mewn dwy gêm gyfeillgar ar 10 Tachwedd a 13 Tachwedd.

Ond fydd chwaraewyr profiadol fel Jess Fishlock a Loren Dykes ddim yn y garfan, gyda Ludlow yn dweud eu bod hi'n rhoi hoe iddyn nhw.

Cafodd y garfan ei chyhoeddi ar y cyfryngau cymdeithasol gyda fideo o blant ar hyd a lled Cymru yn darllen enwau'r chwaraewyr gafodd eu dewis.

Yn gynharach eleni daeth y tîm yn agos at gyrraedd Cwpan Merched y Byd am y tro cyntaf erioed, cyn colli i Loegr yng ngêm olaf eu grŵp rhagbrofol.

Cyn hynny roedden nhw wedi llwyddo i fynd drwy'r ymgyrch heb golli gêm nac ildio gôl.

Carfan Merched Cymru:

Laura O'Sullivan, Clare Skinner, Emma Gibbon, Olivia Clarke, Sophie Ingle, Hayley Ladd, Ffion Morgan, Gemma Evans, Natasha Harding, Angharad James, Kylie Nolan, Nadia Lawrence, Helen Ward, Tamsyn Sibanda, Megan Wynne, Kayleigh Green, Emma Jones, Hannah Miles, Chloe Williams, Kelly Isaac, Rhiannon Roberts, Charlie Estcourt, Grace Horrell, Ella Powell, Elise Hughes, Cori Williams

Straeon perthnasol