Dyn 71 oed wedi marw wedi gwrthdrawiad yng Nghaerdydd

Safle'r gwrthdrawiad

Mae dyn 71 oed oedd yn teithio ar gefn beic wedi marw yn dilyn gwrthdrawiad yng Nghaerdydd.

Bu farw'r dyn yn y fan a'r lle ar ôl gwrthdrawiad gyda VW Transporter ar Colchester Avenue am tua 13:30 ddydd Sadwrn.

Cafodd y ffordd ei chau am rai oriau wedi'r digwyddiad ond bellach wedi cael ei hailagor.

Mae teulu'r dyn wedi cael gwybod am y digwyddiad ac mae'r heddlu yn apelio am dystion.

Pynciau Cysylltiedig