Cannoedd heb drydan yn ne Cymru ar ôl gwyntoedd cryfion

Coeden Image copyright Rob Penfold
Image caption Fe wnaeth y gwynt drechu'r goeden 150 oed yma yn Sir Benfro dros nos

Fe wnaeth tua 1,000 o gartrefi yn ne Cymru golli eu cyflenwad trydan a cafodd ffyrdd ar draws y wlad wedi'u rhwystro yn dilyn gwyntoedd cryfion dros nos.

Fe wnaeth y cartrefi golli pŵer fore Sul, ac roedd tua 500 o'r rheiny yn ardal Tymbl yn Sir Gâr.

Cafodd yr A470 ei rhwystro'n rhannol yn Llanrwst wedi i goeden ddisgyn ar y ffordd.

Yn Aberporth yng Ngheredigion fe welwyd hyrddiadau o hyd at 69mya.

Image copyright @conradscab
Image caption Fe wnaeth y goeden yma ddisgyn ar ffordd yn Aberystwyth dros nos

Mae cyfyngiadau cyflymder hefyd wedi bod mewn grym ar yr M48 dros Bont Hafren a'r A55 dros Bont Britannia.

Cafodd rhai fferïau eu canslo rhwng Caergybi a Dulyn ac roedd oedi ar y rhwydwaith trenau hefyd.

Pynciau Cysylltiedig