Y Cymro ifanc Rabbi Matondo yn ymuno â Schalke 04

Rabbi Matondo Image copyright Getty Images

Mae'r Cymro ifanc, Rabbi Matondo, wedi arwyddo i glwb Schalke 04 yn Yr Almaen am ffi sydd heb ei ddatgelu, ond y gred yw ei fod tua £11m.

Roedd diddordeb enfawr yn Matondo ar ôl iddi ddod i'r amlwg nad oedd am arwyddo cytundeb newydd gyda'i gyn-glwb Manchester City.

Yn ôl adroddiadau, roedd Borussia Moenchengladbach, RB Leipzig a Hoffenheim yn awyddus iddo ymuno â nhw, ond penderfynodd yr asgellwr 18 oed arwyddo i Schalke yn ninas Gelsenkirchen.

Chwaraeodd Matondo ei gêm gyntaf dros ei wlad yn y golled oddi cartref yn erbyn Albania ym mis Tachwedd.

Dechreuodd yr asgellwr ei yrfa gyda Chlwb Pêl-droed Caerdydd, lle mae ei frawd Japhet yn rhan o'r garfan dan-13.