Cwmni Tata Steel yn cwblhau gwaith adnewyddu gwerth £50m

Port Talbot Image copyright Getty Images

Mae cwmni Tata Steel wedi cynhyrchu'r dur cyntaf ers i waith adnewyddu gwerth £50m gael ei gwblhau ar y safle ym Mhort Talbot.

Dywed rheolwyr bod y buddsoddiad yn ymestyn oes ffwrnais rhif 5 am hyd at saith mlynedd ychwanegol, ac yn tawelu pryderon ynghylch ymroddiad Tata i'r diwydiant dur yn Ewrop.

Yn ôl prif weithredwr y cwmni dyma yw'r "buddsoddiad unigol mwyaf" hyd yma fel rhan o'u gwaith yn Ewrop.

Fe unodd Tata uno chwmni dur ThyssenKrupp ym mis Mehefin, gan ddod â rhagor o sicrwydd i'r ffatri sy'n cyflogi tua 4,000 o weithwyr.

Cafodd ffwrnais rhif 5 ei ddraenio yn yr hydref er mwyn cynnal gwaith adnewyddu angenrheidiol, gan gynnwys ailosod sawl rhan o'r system.

Dywedodd Hans Fischer, prif weithredwr gweithredodd Ewropeaidd Tata Steel: "Mae'r prosiect yma'n brawf o'n hymroddiad i adeiladu busnes cryfach a mwy cynaliadwy yn y DU, nawr ac yn y dyfodol."

Wrth drafod Brexit, ychwanegodd ei fod yn "bryderus iawn yn y tymor byr" gan fod posib i gwsmeriaid a'r gwaith cynhyrchu gael eu heffeithio yn fawr.

Straeon perthnasol