Torcalon i'r gyrrwr Elfyn Evans yn rali Corsica

Elfyn Evans Image copyright Getty Images

Roedd torcalon i Elfyn Evans yng nghymal olaf Pencampwriaeth Ralio'r Byd yn Corsica, wrth iddo gael pyncjar ag yntau'n edrych fel ennill y ras.

Roedd gan y gŵr 30 oed o Ddolgellau a'i gyd-yrrwr Scott Martin fantais o 11 eiliad cyn dechrau'r cymal olaf ddydd Sul.

Ond wedi iddo gael pyncjar i'w olwyn flaen ochr dde ar y cymal hwnnw, fe orffennodd yn drydydd yn y rali.

Dyma fyddai wedi bod yr ail dro yn unig i Evans ennill ras ym Mhencampwriaeth Ralio'r Byd, yn dilyn ei lwyddiant yn Rali GB Cymru yn 2017.

Mae'n golygu mai Thierry Neuville a Nicolas Gilsoul o Wlad Belg oedd yn fuddugol, gyda Sébastien Ogier a Julien Ingrassia o Ffrainc yn ail.

Llwyddodd Evans i ennill pedwar o'r 14 cymal yn y ras ar yr ynys ym Môr y Canoldir.

Image copyright Getty Images
Image caption Roedd y ras yn cael ei chynnal ar ynys Corsica ym Môr y Canoldir

Pynciau Cysylltiedig

Straeon perthnasol