Morgannwg yn colli o ddau rediad

Published
image copyrightHuw Evans picture agency
image captionGwlad yr Haf yn dathlu buddugoliaeth arall

Roedd gêm undydd Morgannwg yn erbyn Gwlad yr Haf yn un llawn cynnwrf wrth i Forgannwg frwydro eu ffordd yn ôl wedi dechrau trychinebus lle collwyd chwe wiced am 41 rhediad.

Ond colli yn y diwedd a wnaeth y tîm cartref o ddau rediad.

Roedd Gwlad yr Haf wedi gosod targed sylweddol o 261 yn eu deugain pelawd.

Sgoriodd James Hildreth 67 o'r 261-9, tra bod Marnus Labuschagne a Marchant de Lange wedi hawlio tair wiced yr un.

Ychwanegodd Overton 41 parchus at y sgôr a chafwyd 83 rhediad hanfodol am y ddwy wiced olaf.

Agos iawn

Cafodd Morgannwg ddechrau trychinebus i'w batiad gyda bowlwyr Gwlad yr Haf Josh Davey (4-36) a Craig Overton (3-51) yn cipio wiced ar ôl wiced.

Roedd hi'n ymddangos fod popeth ar ben pan oeddynt yn 41 am chwech.

Ond drwy fatio rhyfeddol David Lloyd (84) a Graham Wagg (62) daeth Morgannwg yn agos iawn at gipio buddugoliaeth.

Ond gyda dau rediad yn eisiau tarodd Lukas Carey (39) un ergyd yn ormod ac wedi i Azhar Ali lwyddo i ddal y bêl yr oedd y frwydr drosodd.

Mae Gwlad yr Haf bellach wedi ennill pob un o'u gemau y tymor yma.