Diwrnod 2: Morgannwg v. Sussex

Marnus Labuschagne Image copyright Huw Evans agency
Image caption Mae Marnus Labuschagne wedi ennill pum cap i Awstralia

Mae Morgannwg yn brwydro nôl yn eu hail fatiad wedi i Sussex sicrhau mantais fawr yn y batiad cyntaf yn eu gêm ym Mhencampwriaeth y Siroedd yn Hove.

Dechreuodd y tîm cartref yn ail ddiwrnod ar 208 am 5 wrth ymateb i gyfanswm batiad cyntaf Morgannwg o 186.

Fe lwyddon nhw i ychwanegu 212 am y bum wiced olaf hefyd i gyrraedd cyfanswm o 420 - mantais fawr o 234.

Ond dechreuodd Morgannwg frwydro nôl yn eu hail fatiad er iddyn nhw golli wiced Charlie Hemphrey cyn sgorio o gwbl.

Daeth partneriaeth dda wedyn rhwng Nick Selman (45 h.f.a.) a'r ardderchog Marnus Labuschagne (77 h.f.a.), ac erbyn i'r chwarae ddod i ben ddydd Mawrth roedden nhw wedi cyrraedd sgôr o 137 am un wiced.

Mae Sussex yn dal 97 rhediad ar y blaen, ond os fydd Morgannwg yn medru ychwanegu'n sylweddol at eu cyfanswm ddydd Mercher, mae modd o hyd i osgoi colli yn y bencampwriaeth am y tro cyntaf y tymor hwn.

Pynciau Cysylltiedig

Straeon perthnasol