Geraint Thomas yn ail yn Le Tour

Geraint Thomas Image copyright Getty Images

Mae'r Cymro Geraint Thomas bellach yn ail wrth geisio amddiffyn ei deitl fel enillydd y Tour de France.

Roedd diweddglo dramatig i'r degfed cymal ddydd Llun wrth i arweinydd y ras, Julian Alaphilippe dorri'r glir o'r peloton gan synnu nifer o'r ceffylau blaen eraill.

Roedd Thomas wedi dechrau'r cymal o Saint-Flour i Albi yn y pumed safle, 1'12" y tu ôl i Alaphilippe.

Er bod y bwlch rhwng y ddau heb newid, fe gododd Thomas dri safle wrth i rhai o'r enwau mawr eraill golli tir mewn gwyntoedd cryfion.

Wout van Aert o Wlad Belg enillodd y cymal gydag Elia Viviani yn ail agos.

Wrth siarad ar ITV 4, dywedodd Thomas: "Fe ges i ddiwrnod da iawn yn y diwedd.

"Roedd pawb ond dau o'n criw ni yn y grŵp ar y blaen. Roedd rhai o'r lleill wedi colli tir wrth geisio ein dal.

"Fe wnaethon nhw gamgymeriad tactegol a cholli munud a hanner arnon ni."

Ni fydd rasio ddydd Mawrth wrth i'r Tour gymryd diwrnod o orffwys.

Canlyniad Cymal 10

1. Wout van Aert - 4 awr 49 munud 39 eiliad

2. Elia Viviani - yr un amser

3. Caleb Ewan - yr un amser

Safleoedd y GC wedi 10 cymal

1. Julian Alaphilippe - 43 awr 27 munud 15 eiliad

2. Geraint Thomas - +1 munud 12 eiliad

3. Egan Bernal - +1 munud 16 eiliad

4. Steven Kruijswijk - +1 munud 27 eiliad

5. Emanuel Buchmann - +1 munud 45 eiliad