Cyngor yn rhoi gwastraff ynghanol Caerdydd i dynnu sylw

Gwastraff
Image caption Roedd yr awdurdod wedi dweud yn wreiddiol eu bod yn "ymchwilio" i'r mater.

Mae Cyngor Caerdydd wedi cyfaddef mai nhw oedd yn gyfrifol am wastraff oedd wedi ei adael y tu allan i Neuadd y Sir.

Dywedodd y cyngor ei fod yn rhan o ymgyrch i dynnu sylw pobl at y gwastraff sy'n cael ei adael ar hyd y brifddinas pob wythnos.

Cafodd matresi a hen ddodrefn - yn pwyso pedair tunnell - eu gadael ar un o brif sgwariau Caerdydd fore Iau.

Dywedodd y cynghorydd Michael Michael, aelod cabinet dros strydoedd glân, ailgylchu a'r amgylchedd: "Rydym yn casglu 20 tunnell o ddeunydd gwastraff ar draws y ddinas pob wythnos - maint tri Tyrannosaurus Rex - ac mae'n costio'r trethdalwr £150,000 y flwyddyn mewn gwasanaethau glanhau.

"Mewn gwirionedd, does dim esgus dros waredu gwastraff yn anghyfreithlon."

Pynciau Cysylltiedig